1.       .الحبيب
ليش عفتيني ونسيتي وليش ضيعتي السنين
وليش ماهزج ضميرج دمعتي وذاك الحنين
انتي مو كلتيلي ارجع يمته يمعوده تجين

""
2.الحبيبه
انه ماعفتك حبيبي انت ماتدري بعذابي
الدنيا بعدك حاربتني وذبلت زهره شبابي
انت لاتعتب عليه وياك ماينفع عتابي

""
الحبيبلاالومج وابقه اعاتب يل نسيتي وعود حبنه
لاتكولين شبديه وذنب وكتي ومو ذنبنه
احنه ذبلنه المحبه وشوك حطينه بدربنه

""
الحبيبهفدوه لاتقسه بعتابك انت كل عقلك اعوف
وانه احس روحي حمامه وبس على ديارك تطوف
وزرعت حبك بكلبي اي ليش خضر بيه اوف
وعيني من حاربهه شوفك حرمت بعدك تشوف

""
الحبيبجان حبك سر وجودي معلك امالي عليج
هسه ضيعتي المحبه وانه هم ضعت من اديج
رحتي بس مااخذتي روحي جدمي مايخطي ويجيج

""
الحبيبهمن ردت اكتب عتابي تبجي وياي الحروف
جان سيف الدنيه ضدي واحن من كل السيوف
انت لو فعلا تحبني جا صرت عكس الضروف

""
الحبيبياضرف واحساسي شاعر حزني وي احساسه بات
وحبنه راح وماله رجعه وبقت بس الذكريات
ياحياة العنهه تحجي واحنه كلشي البينه مات

""
الحبيبه
موتت حبنه بسهوله وبالعجل شفتك نسيت
اتضح حبك روايه وبيهه بس انه الهويت
انه مااريدك تردلي انت من كلبي انتهيت

1.       ابوذيات عراقي 2010

اللك بايع دليلي وانت حربي@
يتيم انة بجمالك وانتة حربي@
افخخ كلمن يحبك وانتحربي@
لان مخصوص حبك بس اليه
**************
رسم بيه زماني اشلون خطة@
بقلم من ضيم كلبي الوان خطة@
ادك على الفرح مشغول خطة@
يجاوبني الحزن ورد علية
**************
يساكي العسل ليش وياي بس مر@
وعلي كلبي من فركاك بسمر@
قصر لبنيلك من ماس بس مر@
تدري بشوفتك وصفه اليه
***************
الحزن من زغر سني لازماني@
وعهد وي المدامع لازماني@
لاولفي رحمني لازماني@
مصبر والجرح البيه بيه
**************
يا غالي بوسط كلبي وانت ضيفي@
وسكنت بنضر عيني وانت ضيْْءفي@
شبعت احزان يادنيه ونتي ضيفي@
تدور الفرح بس مره اليــــــــــــه
***************+
ياهذا الراس مااضل شعر بيك@
والكلب مال وحن وشعربيك@
حرت شكتبلك قصائد وشعر بيك@
إذا حتى القلم يرجف بين ايدية
**************
وصفنا وما وصل حسنك وصفنه@
لأن ينراد الحسنك كعده وصفنه@
لــــــو انت بمدرستنه وصفنــــــه@
لو تاغذ صفر انطيك ميــــــــــــه
**************
وحق إلي تعبده الناس منشاف@
الدمع من يومكم لليوم منشاف@
ألف ياحيف شفي إنكطع منشاف@
بجت اعيون من فركاك اليه
**************
ترف كلي بهجرك علي من شار@
سحابه وبس علي إمطرت مَشار@
إخذ ونطي وصير وياي مِنشار@
ومثل منشد عليك انشد عليه
*************
اني واحد والي عدوان تسعة@
وعــلى موتـــي الناستسعة@
خلص عمري وبقت ايام تسعة@
خلصأسبوع ظل يومين إلية
*************
كظيت الدهر ما فد يوم حنيت@
وايدي من ادموع العين حنيت@
ياغالي وعلي هليوم حنيت@
وشلت نار الدمع بثنين اديه
*************
مفارك الليالي سنين مرن@
وعلي صاير لذيذ الزاد مرن@
طفر كلبي على النقال من رن@
لأن حسيت الغلي دك عليه
*************
أأمم بيها والجامع ورايه@
وصرت امشي وره الجانوا ورايه@
نويت اهجم وشلت سيفي ورايه@
رماني بسهم عينه وطاح بيــــــــــه
***************
اون ولا نمت بالليل ساعه@
بسبب همهمي ما أرتاح ساعه@
وحدي ولا اخو وياي ساعه@
حتى الغالي نساني وشح عليه
***************
خاطلع من جفن عينك ورد بيك@
واشتم العطر منك ورد بيــــــك@
صرت مثل القصيده انت ورد بيك@
وصرت انت النبض والروح بيه
***************
أشد حبل الوصل والكاه محتل@
هــــــــو الروحي يريد المحتل@
سكن كلبي ورضيته يكون محتل@
وجبتله الكورسي رأسته عليــــــه
**************
اريد الطم واسوي اللطم بلوان@
علية ويصب دمع العين بلوان@
انة اللي طبكن علية بلوان@
شيبي والهوى محرب عليــــــــة
**************
أبد ماشفت بخلاقك و عدللك@
اريد اكتب اعله روحي و عدلك@
وسكنت كلبي ورضيت انه و عدلك@
وجبت كورسي رأستك عليــــــــة
****************
ابتلت روحي ولا يخلص بلاها@
و بمحــــبتك ينتهي قلبي بلاها@
بعذابك ياغالي ربــــــي بلاها@
وتضل اتنوح كل صبح ومسيه
***************
اني الجنت مثل ميل الساعة وميلان@
وظربني خـــط عدل مابيها ميلان@
واني اللي لعبـــت للانتر وميلان@
هسه هوار المـــــلا يتفيك علية
**************

ياماياما من كراب الدمع مليت
ومن نهر حبك طول العمر مليت
كالولي ربعي يول شبيك مامليت
كلتلهم هذا حبيب الكلب موعيب امله
غيرك ماحله بعيني ولاطاب
ولادونك دخل كلبي..ولاطاب
ياجرحي وياك ماهود..ولاطاب
دمي ينزف ولاتدري بيه
قلم كلبي تداين ورقه منك
لان ماكو بجمالك وارقه منك
اسجلك انت الاول وارقمنك
واكتب لافته محجوز اليه
احبك حب ماينوصف وصفه
وشوقي الك مثل الماي واصفه
عليمن يكتب الدكتور وصفه
اذا نظرة عيونك صيدليه
الكلب عاف البشر كلها والك راد
مشى مسافر تذكركم والك راد
عرب ماطيبو علتي ولا كراد
دواي انت ياهل مبعد عليه............هاي اخذتها من ماجد المهندس
احبابي شلون حالتكم بعدنه
شبيدينا والوكت عنكم بعدنه
اذا انتم نسيتونا ترانا بعدنا
بذكركم كل صباح وكل مسيه

عفاه الوكت ما دارَك وَقَلبك ولا كل الذي حبَّك وقَلـ بك ترف طولك.. غَنَج لِعبَك طعُم حچيَّك.. مِلِح طعمك منو المِثلِك.. حِمَل حِسِنك وقلبَك.... ذهب خالص وصافي امن الردية
شبَيح الوكت لسهامة وُضعنة رِمانة وطشنة طَش خردل وَضِعنة چثيرة ضعُون شالتنة وَضَعنة من ماي الگصَص رايدلة دِيّـَة
أِذا ملـّيت من روحي شمِلكُم يغالين أشتهيت أشتَم شملكُم هلي اتذكروني من يلتم شَمِلـ كم هلي وتدرون لاح الشيب بيّة
يخيِّ جسمي ابجفاكٌم صُبَح بهتان تأنـّة وهاك كلمة وَعَد بهـ تان و خِذ منّي الحچي المابيه بُهتان ولا غيبة او يصير الذنب مِيــّة
بيك الروح متعلگة و أملهه وِالك نص الگلب ملعب و ملهه أذا اجزَع من العالم و مِلهَه أظل مستكفي بيك و هاي هيــة
تمايل شوگي مو مطرب ترابه رفيف و يِحِن لبلادة وترابة يَلَن حبي ابحضِن دجلة ترّبّة وعلى انغام الوَتَر وَّن ابخفّـِية =======احبك مو سهل كلمة بصدق تنكال
احبـك تحمـل هـوايه معــاني
احبك وارد ابوسك دون كل الناس
احبـك ما احب اي شـخص ثاني
احبك وارد اضمك بوسط هاي العين
احبـك والله مـوتي بيـوم تنسـاني
احبـك يا بعـد عمري الكضيته بعيد
احبـك والله گلبـي يعلـم لسـاني
احبك من يمر طاريك روحـي تروح
احبك وارد اشـمك وانسى احـزاني
احبـك دنيتي گبلك سـواد وضيم
احبـك بسمتـك تنطيني الــواني
احبـك يالعيونك تسحر الاحجـار
احبـك يالصـوتك يطـري باذاني
احبك يالضوه وجهك ينور الكـون
احبك يالصـرت للأمـل عنـواني
احبك وارد احرسك گلب بين ضلوع
احبـك يالمحبتـك بوسـط شـرياني
احبك وانه احـب حبي الاحبـك بيه
احبـك هـم تحبني وتحـب تلكاني؟!
احبك بالضمير وبالعرف والدين
احبـك أمـر الله الحـب رباني======