شمالك ماتمر مونشف دمع العين-------------------وانه الجنت احسبك باقي للشده
وانه الجنت انطرك لو صدك مريت----------------سنين العمركلهه اتصير الك ورده
وانت هواي بيه بكد امس واليوم----------------وانته العمر كله شظال وشعده
زارعني وهم وامخلي بيه الخوف---------------مثل حال اليتيم ودمعته ابخده
وشوف انته اليتيم شلون من ايتيه-------------لاام التفكده لاابو اينشده
كلهن ذني بيه وانته ما مريت -------------- وشح بيك الوفه من طالت المده
خيط من الصبر بالشمعه عاين زين --------- لحد ماتحترك والخيط متهده
وانته الخيط بيه وشمعة عشت أ ويا ك ------ احركك بعمري وجرحي ما شده
عليك الناس تسأ ل جا حبيبك وين -------- لاشفنا نشد لابين شعنده
واجاوبهم واكلهم انته بيه اتعيش -------- مرود كحلتي ظل طابع ابخده
تعبت من السهر والله وخذاني الليل ------ عمر اسهر عليك وحلمك اتعده
فز مره الحلم من شافك اتعديت --------- ظل لازم خيالك رايد ايرده
تعال وشوف حالي الصار بيه هواي ---- بلبل وابقفص مسجون ظل وحده
تعال وشوف حالي وتعباني الشوك ------- الغصن ميت عليش اتعا تب الورده
تعال وشوف بيه اشسوه درب الخوف ----- كض سيفك علي وبركبتي كام ايحده
الشاعر(بشارالحجامي-بغداد)
.jpg)
شجاني و من جديد انوب حبيّت
جنت عاقل ، واكيد اوياك جنيّت
تبت توبه نصوحه امن العشك دوم
او على فيض المشاعر حرس خليّت
إقفلت كلبي قفل مرعوب وبليل
عجيبه اشلون كلي الكلبي طبيّت
للعشرين جن ارجعت وياك
او جن كبلك ولا فد يوم حبيّت
على رموشك كحل ، من حزن ودموع
او على وركة خريفي افراح نديّت
ياعين التشيلك يا شمس آب
اشيلنّك جمر لو الك صديّت
فداك الراح كله ، او انذر الجاي
او عمت عينه اليكلك يوم ضحيّت
يا آخر ملاذ ابشحة الطيب
او بيت انته او فداك ايروح كل بيت
تمنيتك تجي ، ابأول اللجمات
واشكد احلمت بيك او تمنيت
لو تدري فرحتي ابجيتك هاي
او لو تدري اشجبت وياك من جيت
جبت بسمه لشفافي العطشن اسنين
والف جرح ابجرح بالروح داويت
جنت عاقل ، واكيد اوياك جنيّت
تبت توبه نصوحه امن العشك دوم
او على فيض المشاعر حرس خليّت
إقفلت كلبي قفل مرعوب وبليل
عجيبه اشلون كلي الكلبي طبيّت
للعشرين جن ارجعت وياك
او جن كبلك ولا فد يوم حبيّت
على رموشك كحل ، من حزن ودموع
او على وركة خريفي افراح نديّت
ياعين التشيلك يا شمس آب
اشيلنّك جمر لو الك صديّت
فداك الراح كله ، او انذر الجاي
او عمت عينه اليكلك يوم ضحيّت
يا آخر ملاذ ابشحة الطيب
او بيت انته او فداك ايروح كل بيت
تمنيتك تجي ، ابأول اللجمات
واشكد احلمت بيك او تمنيت
لو تدري فرحتي ابجيتك هاي
او لو تدري اشجبت وياك من جيت
جبت بسمه لشفافي العطشن اسنين
والف جرح ابجرح بالروح داويت
كلي اذنوب ادري ، او روحك ايمام
نزعت الماضي وابيض كلب طبيت
ومن نور البروحك شاهت العين
او كبل ما طوف بعيونك تحفيت
اعيشك لحظة لحظة او اشكي الفراك
انت وياي كلك وآنه سليّت
ريتك تبقى كتلك ، ريتك اوياي
او كلشي البيك اسمعه ايكول ياريت
كبلك ما عشت ، موعمر محسوب
خشبة كنطرة او للدوس ظليت..
نزعت الماضي وابيض كلب طبيت
ومن نور البروحك شاهت العين
او كبل ما طوف بعيونك تحفيت
اعيشك لحظة لحظة او اشكي الفراك
انت وياي كلك وآنه سليّت
ريتك تبقى كتلك ، ريتك اوياي
او كلشي البيك اسمعه ايكول ياريت
كبلك ما عشت ، موعمر محسوب
خشبة كنطرة او للدوس ظليت..
